សហព័ន្ធយុវជនកម្ពុជា
អំពាវនាវឲ្យយុវជន គោរពច្បាប់ចរាចរណ៍
ដើម្បីសម្រេចគោលដៅទសវត្សរ៍ នៃសកម្មភាព សុវត្ថិភាព ចរាចរណ៍ ផ្លូវគោក ២០១១ .២០២០
ប្រធាន សហភាព សហព័ន្ធ យុវជនកម្ពុជា បានអំពាវនាវ ដល់យុវជនទាំងអស់
ត្រូវយកចិត្តទុកដាក់ អនុវត្ត និងគោរព ច្បាប់ចរាចណ៍ឲ្យបានខ្ជាប់ខ្ជួន។
ថ្លែងក្នុងយុទ្ធនាការពាក់មួកសុវត្ថិភាព ក្នុងចំណោមយុវជន
កាលពីព្រឹកថ្ងៃទី០៨ ខែវិច្ឆិកា ឆ្នាំ២០១២ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា
មានប្រសាសន៍ថា យុវជនត្រូវយកចិត្តទុកដាក់ គោរពច្បាប់ចរាចរណ៍ ដោយពាក់មួយសុវត្ថិភាព បើកបរតាមល្បឿនដែលច្បាប់បានកំណត់
និងមិនត្រូវបើកបរ ក្រោម ឥទ្ធិពល នៃគ្រឿងស្រវឹងឡើយ។ ការធ្វើបែបនេះ គឺ ដើម្បីរួមចំណែកកាត់បន្ថយគ្រោះថ្នាក់ចរាចរណ៍ឲ្យចុះមកនៅត្រឹមកម្រិតទាបបំផុត
តាមផែនការកំណត់ របស់អាស៊ាន និងតាមសេចក្តីសម្រេចរបស់អង្គការសហប្រជាជាតិស្តីពីទសវត្សរ៍
នៃសកម្មភាពសុវត្ថិភាព ចរាចរណ៍ផ្លូវគោកឆ្នាំ២០១១-២០២០។
ឯកឧត្តម ក៏បានលើកទឹកចិត្តផងដែរ ដល់យុវជនដែលបានចូលរួមក្នុងយុទ្ធនាការនេះ
ត្រូវធ្វើចលនាផ្សព្វផ្សាយបន្តទៀត ដើម្បីបំផុសអោយអ្នកបើកបរ
និងអ្នករួមដំណើរតាមម៉ូតូ ពិសេស យុវជន ត្រូវ ពាក់មួកសុវត្ថិភាពឲ្យបានគ្រប់ៗគ្នា
ទោះធ្វើដំណើរជិត ឬឆ្ងាយ និងគ្រប់ពេលវេលា។
ឯកឧត្តម ត្រាំ អ៊ីវតឹក
រដ្ឋមន្ត្រីក្រសួងសាធារណការ និងដឹកជញ្ជូន និងជាប្រធានគណៈកម្មាធិការជាតិសុវត្ថិភាព
ចរាចរណ៍ផ្លូវគោក មានប្រសាសន៍ថា ម៉ូតូនៅតែជាមូលហេតុចម្បងបំផុត ដែលបណ្តាលឲ្យ
ស្លាប់ច្រើន ហើយអ្នកប្រើប្រាស់ម៉ូតូភាគច្រើន មានការយល់ដឹងពីច្បាប់ចរាចរណ៍ និងសុវត្ថិភាពចរាចរណ៍នៅមានកម្រិតទាប។
ឯកឧត្តមបញ្ជាក់ថា ក្នុងចំណោមអ្នកជិះម៉ូតូ ដែលរងគ្រោះថ្នាក់ចរាចរណ៍ប្រមាណតែ២៣%ប៉ុណ្ណោះ
ដែលពាក់មួកសុវត្ថិភាព ហើយចំនួននេះ នៅតែជាចំនួនមួយកម្រិតទាបនៅឡើយ។ ដូច្នេះ យុទ្ធនាការនេះ
គឺផ្សព្វផ្សាយឲ្យអ្នកប្រើប្រាស់ម៉ូតូគ្រប់រូប យល់ដឹងពីផលប៉ះពាល់ដល់អាយុជីវិត
ដោយសារការមិនពាក់មួកសុវត្ថិភាព។
សូមបញ្ជាក់ថា ក្នុងចំណោមយុវជន ដែលរងគ្រោះថ្នាក់ចរាចរណ៍នៅកម្ពុជា ចន្លោះពីអាយុ១៦ឆ្នាំ
ទៅ២៩ ឆ្នាំមាន៥០% ហើយកាលពីឆ្នាំ២០១១ គ្រោះថ្នាក់ចរាចរណ៍ បានសម្លាប់ជីវិតមនុស្ស
សរុប ចំនួន១៩០៥នាក់ ក្នុងនោះអ្នកស្លាប់ដោយការបើកបរម៉ូតូ និងអ្នករួមដំណើរ
មានចំនួន១២៦២នាក់ ហើយក្នុងចំណោម អ្នក បាត់បង់ជីវិតទាំងនោះ មានប្រមាណ៦៩%
ស្លាប់ដោយសារប៉ះទង្គិចត្រូវក្បាល ៕
No comments:
Post a Comment