កម្ពុជា
គ្រោងដាក់បញ្ចូលប្រាសាទសម្បូរព្រៃគុហ៍ ក្នុងបញ្ជីបេតិកភណ្ឌពិភពលោក
ក្រសួងវប្បធម៌ និងវិចិត្រសិល្បៈ បានឲ្យដឹងថា
ខ្លួនកំពុងរៀបចំសំណុំបែបបទ ដើម្បីដាក់បញ្ចូលប្រាសាទសម្បូរព្រៃគុហ៍
នៅខេត្តកំពង់ធំ ទៅជាសម្បត្តិបេតិកភណ្ធពិភពលោក នៅឆ្នាំ២០១៣ខាងមុខ។
យោងតាមការប្រាប់ឲ្យដឹងពី
លោកហាប់ ទូច អគ្គនាយកបេតិកភណ្ឌ នៃក្រសួងវប្បធម៌ និងវិចិត្រសិល្បៈកម្ពុជា ថា
ក្រសួងវប្បធម៌ និងវិចិត្រសិល្បៈ កំពុងរៀបចំសំណុំបែបបទ និងឯកសារសំខាន់ៗ
ដែលទាក់ទងនឹងប្រាសាទសម្បូរព្រៃ ដើម្បីស្នើដាក់បញ្ចូលប្រាសាទ ដ៏មានវ័យចំណាស់មួយនេះចូលទៅក្នុងសម្បត្តិបេតិកភណ្ឌពិភពលោក។
លោកហ៊ិន
សោភណ្ឌ ប្រធានមន្ទីរវប្បធម៌ ខេត្តកំពង់ធំបាន ប្រាប់ទូរទស្សន៍ហង្សមាសថា ការស្នើសុំឲ្យបញ្ចូលប្រាសាទសម្បូរព្រៃគុហ៍
ទៅជាសម្បត្តិបេតិកភណ្ឌពិភពលោកនេះ គឺដើម្បីសុំការគំាទ្រ និងថែទាំពីអង្គការបេតិកភណ្ឌពិភពលោកយូណេស្កូ
។ មូលហេតុ ដែលក្រសួងវប្បធម៌រៀបចំ
និងដោយសារប្រាសាទនេះ ជាប្រាសាទ មានវ័យចំណាស់ និងស្ថិតនៅចំកណ្តាលប្រទេស
ក្នុងចំណោមប្រាសាទរាប់ពាន់ដទៃទៀតរបស់កម្ពុជា
លោកហ៊ិន
សោភណ្ឌ បានបន្តថា មូលហេតុ ដែលប្រាសាទព្រៃគុហ៍នេះ ត្រូវបានគ្រោង និងស្នើ បញ្ចូលជាសម្បត្តិបេតិកភណ្ឌពិភពលោក
ក្រោយប្រាសាទអង្គវត្ត និង ព្រះវិហារ គឺដោយសារ ប្រាទនេះ ស្ថិតនៅក្នុងព្រៃជ្រៅ
មធ្យោបាយធ្វើដំណើរមិនទាន់ល្អប្រសើរ និង ប្រជាពលរដ្ឋ មិនទាន់ស្គាល់បានទូលំទូលាយ
ដែលបច្ចុប្បន្ន រាជរដ្ឋាភិបាល កំពុងយកចិត្តទុកដាក់ខ្លំាងលើបញ្ហាហេដ្ឋារចនាសម្ព័ន្ធនេះ។
លោកបន្តថា
មានចំណុចជាច្រើន ដែលតម្រូវឲ្យបំពេញក្នុងលក្ខខណ្ឌ
មុននឹងប្រាសាទនីមួយៗ ត្រូវបានបញ្ចូលទៅក្នុងសម្បត្តិបេតិភណ្ឌពិភពលោក
ក្នុងនោះ ត្រូវមានផ្លូវ ឬមធ្យោបាយធ្វើដំណើរទៅកាន់ប្រាសាទត្រូវក្រាលកៅស៊ូឲ្យបានល្អ ត្រូវមានការការពារ និងថែទាំឲ្យបានល្អ និងត្រូវមានបទដ្ឋានច្បាប់ពាក់ព័ន្ធផងដែរ។
គួររំលឹកថា
ប្រាសាទសម្បូរព្រៃគុហ៍ ស្ថិតនៅភូមិសម្បូរ
ឃុំឈើទាល ស្រុកប្រាសាទសម្បូរ ខេត្តកំពុងធំ
និងមានចម្ងាយប្រមាណជាង៣០គីឡូម៉ែត្រ ពីទីរួមខេត្ត ហើយត្រូវបានសាងឡើងពីឥដ្ឋតាន់ និង ថ្មបាយក្រៀម ដោយព្រះបាទឥសានវរ្មន័ទី១ នៅចុងសតវត្សរ៍ទី៦ ដើមសតវត្សរ៍ទី៧ ។
No comments:
Post a Comment