កម្ពុជា សុំទៅសិក្សាផ្នែកកងទ័ពនៅប្រទេសចិន
ដើម្បីពង្រឹងសក្តានុពលវិស័យយោធា កម្ពុជាបានស្នើឲ្យភាគីចិន ផ្តល់ឱកាសដល់ទ័ពវ័យក្មេងកម្ពុជា បន្ថែមទៀត ដើម្បីបង្កើនជំនាញ និងអភិវឌ្ឍសមត្ថភាពកងទ័ពឲ្យបានកាន់តែរឹងមាំ។
ថ្លែងបើកបវេសនកាលសិក្សាភាសាចិន នៅបញ្ជាការដ្ឋានកងពលតូចលេខ៧០
កាលពីពេលថ្មីៗនេះ ឯកឧត្តម ឧត្តមសេនីយ៍ឯក ម៉ៅ
សុផាន់ មេបញ្ជាការកងពលតូចលេខ៧០ បានស្នើឲ្យអនុពន្ធ័យោធាចិន ជួយបង្ករឱកាស
ធ្វើយ៉ាងណាឲ្យកងទ័ពកម្ពុជាបានទៅសិក្សាពីចំណេះដឹងផ្សេងៗ ឲ្យបានច្រើនពីប្រទេសចិនបន្ថែមទៀត។
ឯកឧត្តម បន្តថា ការផ្តល់ឱកាសនេះ ជាកត្តាចាំបាច់បំផុត ដើម្បីផលិតធនធានមនុស្សផ្នែកយោធា និងដើម្បីប្រែក្លាយយោធាកម្ពុជា
ឲ្យទៅជាយោធាដ៏មានសក្តានុពល អាចប្រើប្រាស់ នូវយុទ្ធោបករណ៍ទំនើបនានាបាន។ ឯកឧត្តមសង្ឃឹមថា
សិក្ខាកាម ដែលជាកងទ័ពវ័យក្មេង និងកងទ័ពបន្តវេនរបស់កម្ពុជា នឹងក្លាយជាធនធានមនុស្សអាចប្រើប្រាស់ភាសាចិនបានក្នុងពេលដ៏ខ្លីខាងមុខនេះ
បន្ទាប់ពីទទួលបានចំណេះដឹងនេះទៅ ។
លោកបណ្ឌិតជា មុន្នីឫទ្ធិ នាយកវិទ្យាស្ថានខុងជឺនៃរាជបណ្ឌិតសភាកម្ពុជាបានឲ្យដឹងថា៖
វិទ្យាស្ថានខុងជឺនៃរាជបណ្ឌិតសភាកម្ពុជា បានសហការបើកថ្នាក់ភាសាចិន នៅតាមបណ្តាខេត្ត
និងស្ថាប័ន អង្គភាពនានា ជាច្រើនកន្លែង ហើយថ្នាក់រៀនភាសាចិននៅបញ្ជាការដ្ឋានកងពលតូចលេខ៧០នេះ
ជាសាខាទី៤ ក្នុងចំណោមសាខាទាំង៨ នៅទូទំាងប្រទេស ដែលបើកសម្ពោធ កាលពីថ្ងៃទី២៨ខែមីនា
ឆ្នាំ២០១១កន្លងទៅ។
No comments:
Post a Comment