១០ខែ២០១២នេះ ភ្នំពេញមានអគ្គីភ័យកើតឡើង
៦៣ករណី
នៅរាជធានីភ្នំពេញគ្រាន់តែ១០ខែក្នុងឆ្នាំ២០១២នេះ
គ្រោះមហន្តរាយបង្កដោយអគ្គិភ័យបានសម្លាប់មនុស្សម្នាក់ និងធ្វើឲ្យខូចខាតទ្រព្យសម្បត្តិគិតជាទឹកប្រាក់ប្រមាណ៦៥លានដុល្លារ
សហរដ្ឋអាមេរិច។
ថ្លែងក្នុងពិធីប្រគល់ និងទទួលអំណោយរថយន្តអគ្គីភ័យ
ដែលផ្តល់ដោយក្លឹបសន្តិភាពអន្តរជាតិជប៉ុន ជូន កាកបាទក្រហកកម្ពុជា នារសៀលថ្ងៃទី២៥តុលា
ឯកឧត្តម ប៉ា សុជាតិវង្ស ប្រធានសាខាកាកបាទក្រហមរាជធានីភ្នំពេញ មានប្រសាសន៍ថា៖
បញ្ហាអគ្គិភ័យនៅរាជាធានីភ្នំពេញបាន និងកំពុងក្លាយជាគ្រោះមហន្តរាយមួយដ៏គួរឲ្យកត់សម្គាល់។
ជាក់ស្តែងរយៈពេលតែ១០ខែ ឆ្នាំ២០១២នេះ រាជធានីភ្នំពេញ មានអគ្គីភ័យកើតឡើងចំនួន៦៣ករណី
បំផ្លាញលំនៅដ្ឋានជាច្រើនខ្នង ធ្វើឲ្យបាត់បង់ជីវិតមនុស្សម្នាក់ បង្កការប៉ះពាល់ដល់ជនរងគ្រោះរាប់រយគ្រួសារ
និងធ្វើឲ្យអន្តរាយទ្រព្យសម្បត្តិប្រជាពលរដ្ឋ គិតជាទឹកប្រាក់ប្រមាណជាង៦៥លានដុល្លារសហរដ្ឋអាមេរិក។
ឯកឧត្តម បន្តថា មូលហេតុ ដែលបង្ករឲ្យមានគ្រោះអគ្គិភ័យនេះ
គឺកើតចេញពីកត្តាជាច្រើន ដូចជាកាសាងសង់សំណង់មិនទាន់បានរៀបរយ.ការតបណ្តាញអគ្គិសនីមិនបានសមស្របតាមលក្ខណៈបច្ចេកទេស
ការ យល់ដឹងពីវប្បធម៌ នៃការរស់នៅបែបសហគមន៍នៅមានកំរឹត
និងការទ្វេសប្រហែសរបស់អ្នករស់នៅ លើ ការប្រើប្រាស់ឧបករណ៍ឆាបឆេះ មានហ្គាស ប្រេងសាំង
ការអុចទៀបធូប មិនបានប្រុងប្រយត្ន័ជាដើម។
លោកវរៈសេនីយ៍ទោ នេត វត្ថា
ប្រធានការិយាល័យនគរបាលបង្ការ និងពន្លត់អគ្គិភ័យ នៃស្នងការដ្ឋាននគរបាលរាជធានីភ្នំពេញ
មានប្រសាសន៍ថា សព្វថ្ងៃ អង្គភាពរបស់លោក មានរថយន្តពន្លត់អគ្គិភ័យចំនួន៤៥គ្រឿងបូកទាំងជំនួយតាមរយៈកាកបាទក្រហម
បន្ថែមនៅថ្ងៃនេះមួយគ្រឿងទៀត។ លោកបន្តថា ឆ្នាំនេះគ្រោះអគ្គិភ័យ បានបង្កមហន្តរាយខ្លាំងជាងឆ្នាំទៅ
លោកជំទាវ អាន្នី សុខអាន អនុប្រធានទី១កាកបាទក្រហមកម្ពុជា
បានថ្លែងអំណគុណចំពោះក្លឹបសន្តិភាពអន្តរជាតិជប៉ុន ដែលបានផ្តល់នូវជំនួយលើវិស័យមនុស្សធម៌
ជាពិសេសពេលនេះបានផ្តល់រថយន្តពន្លត់អគ្គិភ័យមួយគ្រៀងបន្ថែមទៀតដល់កាកបាទក្រហមកម្ពុជា
ហើយលោកជំទាវសូមផ្ទេររថយន្តនេះ ឲ្យទៅអង្គភាពការិយាល័យនគរបាលបង្ការនិងពន្លត់អគ្គីភ័យ
នៃស្នងការដ្ឋាននគរបាលរាជធានីភ្នំពេញដើម្បីយកទៅបំពេញបេសកកម្មបំរើឲ្យវិស័យមនុស្សធម៌ជូនប្រជាពលរដ្ឋវិញ។
No comments:
Post a Comment