ឆ្នាំ២០១១កម្ពុជាខាតបង់ថវិកា
ជាង៣០០លានដុល្លារ ដោយសារគ្រោះថ្នាក់ចរាចរណ៍
បញ្ហាគ្រោះថ្នាក់ចរចាណ៍
ជាបញ្ហា ដ៏ក្តៅគគុកមួយ ដែលរាជរដ្ឋាភិបាលកម្ពុជា កំពុងផ្តោត ការយកចិត្តទុកដាក់ ហើយបញ្ហាគ្រោះថ្នាក់ចរាចរណ៍នេះ
ធ្វើឲ្យកម្ពុជា ខាតបង់ថវិកា រាប់រយលានដុល្លារកាលពីឆ្នាំ២០១១ ។
យោងរបាយការណ៍ជាផ្លូវការពីប្រព័ន្ធព័ត៌មានជនរងគ្រោះ
និងគ្រោះថ្នាក់ចរាចរណ៍ ផ្លូវគោក នៃគណៈកម្មាធិការជាតិ សុវត្ថិភាពចរាចរណ៍ កាលពីថ្ងៃទី២៧
ខែកញ្ញា បានឲ្យដឹងថា យ៉ាងហោចណាស់ មានមនុស្ស៥នាក់បានស្លាប់ និង៤០នាក់ផ្សេងទៀតរងរបួសដោយសារគ្រោះថ្នាក់ចារចរណ៍ជារៀងរាល់ថ្ងៃ
របាយការណ៍ដដែល បង្ហាញទៀតថា នៅឆ្នាំ២០១១ គ្រោះថ្នាក់ចរាចរណ៍ កើតឡើងចំនួន ៥០៩៦ករណី
ក្នុងនោះបណ្តាលឲ្យជនរងគ្រោះស្លាប់ចំនួន១៩០៥នាក់ និងរងរបួសចំនួន ៥៨០៧នាក់ កើនលើសពីឆ្នាំ២០១០
ប្រមាណ៥ភាគរយ និថធ្វើឲ្យកម្ពុជាខាតបង់ថវិកា ប្រមាណ៣១០លានដុល្លារសហរដ្ឋអាមេរិច ហើយជនរងគ្រោះ
ដែលគ្រោះថ្នាក់ដល់អាយុជីវិតប្រមាណជាង៦០ភាគរយ គឺបណ្តាលមកពីការប៉ះទង្គិច
ឬបោកត្រូវក្បាល។
គ្រោះថ្នាក់ទាំងនេះ កើតឡើងចន្លោះពីម៉ោង៧ ទៅ ៨យប់។
ដោយឡែករបាយការណ៍
អង្គការមូលនិធិបង្ការរបួសអាស៊ី និងគណៈកម្មាធិការជាតិសុវត្ថិភាពចរាចរណ៍ផ្លូវគោក ដែលចេញផ្សាយកាលពីថ្ងៃទី២៥កក្កដា
ឆ្នាំ២០១២ បានរកឃើញថា កាលពីឆ្នាំ២០១០ កម្ពុជាបានខាតបង់ប្រាក់ប្រមាណជាង២០០លានដុល្លារសហរដ្ឋអាមេរិច
និងបាត់បង់ជីវិតមនុស្សប្រមាណ១.៨១៦នាក់ ក្នុងនោះមានអ្នករងរបួសធ្ងន់ចំនួន៦.៧១៨នាក់
។
របាយការណ៍ដដែលនេះ
ក៏បានរកឃើញថ្មីៗផងដែរថា នៅរាជធានីភ្នំពេញ មានអ្នកបើកបរទោចក្រយានយន្តជាង៨០ភាគរយពាក់មួកសុវត្ថិ តែអ្នករួមដំណើរជាមួយ
រួមមានទាំងកុមារផង ប្រមាណ៦,៧០ភាគរយ
មិនបានពាក់មួកសុវត្ថិភាពឲ្យបានត្រឹមត្រូវទេ ។
គួររំលឹកថា របាយការណ៍ ពីនាយកដ្ឋានកណ្តាលសណ្តាប់ធ្នាប់សាធារណៈ នៃអគ្គស្នងការដ្ឋាននគរបាលជាតិ
ក្រសួងមហាផ្ទៃ បានឲ្យដឹដែរថា នៅឆមាសទី១
ឆ្នាំ២០១២ គ្រោះថ្នាក់ចរាចរ នៅកម្ពុជា មានចំនួន២៤៥៣ករណី ថយចុះ១៧% បើធៀបរយៈពេលដូចគ្នាពីឆ្នាំ២០១១
និងចំនួនអ្នកស្លាប់ដោយគ្រោះថ្នាក់ចរាចរណ៍ គិតត្រឹមថ្ងៃទី៩ ខែកក្កដា ឆ្នាំ២០១២ មានប្រមាណ១០៧៨នាក់ថយចុះប្រមាណ៣%ពីឆ្នាំ២០១១
។
ដើម្បីកាត់បន្ថយគ្រោះថ្នាក់នេះ កាលពីថ្ងៃទី១៣ សីហា
ឆ្នាំ២០១២ ឯកឧត្តម នាយឧត្តមសេនីយ៍នេត សាវឿន អគ្គស្នងការនគរបាលជាតិ បានដាក់កំហិត
និង ព្រមានបញ្ចប់អាជីពអស់មួយជីវិត ដល់អ្នកបើកបរយានយន្តណា ជាពិសេស
អ្នកបើកបររថយន្តដឹកអ្នកដំណើរ ដែលបង្កគ្រោះថ្នាក់ចរាចរណ៍ ដល់អ្នកដទៃញឹកញាប់ជាងគេ។
No comments:
Post a Comment